昔日東方出線關鍵！傑志女足撼巴姆卡頓
正在不丹出戰「亞冠盃」外圍賽的傑志女足，今日出戰D組最後一場分組賽，與伊朗球隊巴姆卡頓爭奪出線席位。「藍鳥」今場要贏波才可晉級正賽，主教練張寶春強調會找機會進攻，同時他又認為在4日2戰下，球員的體能恢復情況尤其重要。
傑志女足上場1球險勝皇家廷普學院，旗開得勝，主教練張寶春賽後大讚球員表現：「作客同埋喺高原下作賽相當吃力，但球員好有紀律性，全部都好盡力，我相當滿意。」對於球隊上場多人因抽筋被換出，「寶春Sir」則解釋屬正常現象，惟希望眾將可以盡快恢復：「始終嚟到不丹後，未試過咁大運動量，對手其實第一場都有咁嘅情況，但係球員情況唔係太差，最緊要做好恢復練習，暫時未決定會唔會有輪換。」
寶春Sir︰今場對手更高大硬淨
提到對手巴姆卡頓，「寶春Sir」認為踢法與皇家廷普學院截然不同：「伊朗呢支球隊踢法比較直接，球員都比較高大、硬淨，好多時都係用長傳，大腳踢上前場，再靠速度爭取埋門。」雖然兩隊賽前同樣得3分、得失球亦相同，但巴姆卡頓暫憑較多得球排榜首，「藍鳥」今場許勝不許和，「寶春Sir」強調會盡力而為：「部署都會穩守先，但我哋唔會太過消極，一定嘗試搵機會進攻。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
