湯馬士梅拿愛駒奪金牌

騎師古卻克同Checker喺周三合作贏得馬術個人越野障礙賽金牌，打破德國馬術28年來奧運個人賽金牌荒。有趣嘅係，Checker嘅主人原來係足球名將湯馬士梅拿，呢位34歲球星隨後喺社交網開直播，頸上掛住2014年世盃金牌嘅佢表示：「金牌！我哋係奧運冠軍！你（古卻克）過去1年半為Checker所做嘅事令人欽佩，依家好好咁去享受啦！」

湯馬士梅拿向來鍾情馬術，佢老婆麗莎就係馬術盛裝舞步選手，兩公婆亦擁有自己嘅馬房，麗莎曾經表示梅拿騎術非常了得，將來退役唔踢波，隨時可以轉行做馬術運動員。