馬迪爾有着落去意甲做替工

安東尼馬迪爾現時屬於自由身球員，曾經傳出意甲新升班球隊科木、法甲球隊里爾、馬賽、土耳其球隊比錫達斯，以及多支中東及美職球隊有意簽佢，但未有下文。阿特蘭大現時將安東尼馬迪爾列入增兵名單，皆因球隊將於8月15日凌晨歐超盃對皇馬，時間唔多情況下，簽自由身球員，可以比較快成事。

不過，安東尼馬迪爾出名係「玻璃腳」，近年坐多過踢，上季更僅為曼聯上陣19場入2球，所以阿特蘭大為長遠打算，同時計劃收購熱拿亞前鋒列迪古，呢位25歲射手上季意甲上陣29場入7球及2次助攻，並有份為意大利出戰今屆歐國盃，估計身價為1,500萬歐元（約1.28億港元）。