艾華利斯2次助攻 阿根廷保8強希望

阿根廷首戰1比2不敵摩洛哥後，今仗不容再失，祖利安艾華利斯13分鐘助攻泰亞高艾美達先拔頭籌，但上半場補時階段被伊拉克追平。換邊後，干度喺60分鐘後備上陣，2分鐘後即入波助阿根廷再次領先；祖利安艾華利斯完場前5分鐘交出今場個人第2次助攻，造就阿米奧尼入波贏3比1完場。

阿根廷主帥馬斯真蘭奴賽後表示：「今場好難踢，伊拉克係支體能好強嘅球隊。我哋下半場表現大有改善，搵到兩個好重要嘅入球。我哋深信最後一場都可以贏波，好多謝全隊職球員同球迷嘅付出。」至於其他勁旅都順利贏波，西班牙喺C組3比1贏多明尼加共和國，同D組嘅日本率先出線，而C組嘅烏茲別克就成為首支出局球隊。另外東道主法國就喺A組1比0小勝畿內亞。