長遠合作！「堅Sir」續留大埔

上季久休復出、帶領「綠戰士」奪得聯賽亞軍的「堅Sir」，對於新一季可以參與更多一隊以外的工作，感到十分高興，他說：「上季決定復出之前，我同自己講淨係專心帶一隊就得，但經過咗一個球季，同幾位管理層相處過之後，感受到佢哋都係好有熱誠，好有誠意想去搞好大埔，唔只係一隊，就連女子、青年軍同地區足球都想去搞好佢。所以好開心，嚟緊可以同幾位一齊去做好件事。」

大埔新一季的組軍工作大致完成，「堅Sir」表示球隊計劃在下月（7日）開操，而新加盟球員的名單，預計於開操前公布。