雖敗猶榮高俊基：球隊有將來

昨日決賽吸引3,437名球迷入場，見證深水埗戰至加時才不敵東方。「高Sir」賽後向所有觀眾致謝，並盼望球隊演出能吸引贊助商繼續投資：「今場有好多球迷入場打氣，我相信贊助商都睇得好清楚，希望佢哋會覺得深水埗係有將來嘅，值得畀更多時間我哋發展，再有機會畀街坊入嚟睇決賽。」

「高Sir」續指球隊會爭取時間與贊助商商討，來季繼續征戰港超的可行性，又希望就算球隊之後有可能棄戰港超，球員仍能順利落班：「其實贊助商一路都想投資球隊，但有好多因素影響佢哋做決定，不過就算球隊下季唔留喺港超，都希望見到隊中所有球員踢頂級聯賽。」近日有消息指有深水埗球員涉及假波案，「高Sir」揚言一旦隊中有球員被定罪，絕不會姑息相關人士，並會配合廉政公署的調查。