東方孖寶擸最佳青年球員

東方今季重用年輕球員下，取得聯賽季軍，並打入「足總盃」及銀牌決賽，成績理想，其中余在言演出大獲好評，他直言本季獲得的成就超出預期：「我一直嘅目標就係要不斷進步，踢多啲好波畀球迷睇，好開心嚟到東方可以達成目標。」近日盛傳港隊主教練莊恩安達臣決定離職，在「安帥」手下首度為「大港腳」上陣的Jesse有感而發：「係佢（莊恩安達臣）畀機會我踢港隊，如果佢最後要離隊，我都會祝福佢。」

至於馬希偉就對獲獎深感興奮：「上年坐喺度望住Anson（黃皓雋）同『孫銘』（孫銘謙）攞呢個獎，冇諗過今年到自己上台攞獎。」Timmy又承認孫銘謙季中離隊外流，令自己獲得更多上陣機會，在球迷面前證明自己：「今年攞到呢個獎，確係有少少幸運成份，但都祝福『孫銘』未來有更好發展，大家為香港足球出力。」