昔日東方手球案爭議東方同裁判未達共識
就上周六（6日）傑志對東方聯賽賽事的判決爭議，港超聯球隊東方代表昨日到足總出席會議，了解裁判團隊對於球例的詮釋。會後東方主教練盧比度（Chino）表示就傑志球員有否犯手球，未能與裁判團隊達成共識，但希望透過今次提出質疑，日後各方在遇到同類爭議時，可以做得更好。
會議由足總裁判總監張炎有主持，東方則有副主席游永強、主教練盧比度、球隊經理陳子龍及體育總監黃嘉華代表出席。盧比度會後代表發言，認為會議有助釐清部分誤會，包括證實球證當時有跟足指引用VAR覆查事件：「當時球證冇走到場邊睇VAR，所以冇人知道佢哋有冇睇番成件事，今次我哋知道結果，所有嘢都有經過覆檢。」
惟Chino表示雙方未能就手球判決達成共識：「手球議題涉及球例中嘅灰色地帶，最終取決於球證及VAR團隊當時判斷。佢哋認為當時不涉及手球，所以唔係12碼，但我唔同意，所以未能達成共識。」Chino承認要解釋當時的複雜情況有困難，並引述張炎有提出的理據：「佢認為該球員嘅手部係處於自然位置，加上唔係傳中只係爭波。」
透過質疑盼有改善
對於會方連日來發文對球證提出質疑，Chino強調並非指摘個別球證，並認為今次會議能帶來正面影響：「事件發生後我哋主動出聲，係希望大家以後做得更好，球員如果唔經歷犯錯係唔會進步，教練同球證都一樣。」林卓臻報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
