冠忠南區主場擺陣砌港會

南區今季連同盃賽，面對港會錄得兩勝一和，主教練楊正光有信心主場出擊下，能延續佳績：「前幾次交手都喺港會個場踢，今日返番主場更適合我哋發揮，只要保持耐性，應該可以攞齊3分。」「光Sir」又指由於下周中要應付對標準流浪的「賽馬會菁英盃」4強，今場或會作出輪換，鼓勵球員盡情發揮。

港會上場聯賽大敗予理文腳下，後衞周子謙（Tim）希望球隊盡快振作恢復信心：「雖然我哋今季未贏過南區，但其實幾場都同佢哋踢得有來有往，最重要係踢出教練部署，今場唔係冇攞分機會。」Tim又指香港仔運動場遠較港會場大，球隊防守策略會作出調整，盡量限制主隊邊路威脅。