美斯續抖邁亞密8強觸礁

已經養傷3個星期嘅美斯，賽前雖然恢復操練，不過今仗仍然只能喺場邊觀戰，睇住球隊喺上半場領先情況下，被蒙特雷喺下半場連入2球，首回合慘輸1比2。

國際邁亞密教練馬天奴賽後表示：「美斯嘅情況要逐場睇，周六嘅聯賽同下星期嘅次回合都一樣，佢依家每日都有好轉，但今仗仍然風險太大。」美斯今季只上陣5場賽事，但已有5個入波同2次助攻，幫球隊拎到3勝2和成績，相反喺佢缺陣嘅5場，國際邁亞密只得1勝1和3負。