李毅凱：好好享受港隊日子

港隊近年與烏茲別克冤家路窄多次碰頭，包括去年在亞運足球賽3次交手，「阿凱」當時以超齡球員身分披甲，更曾在分組賽攻破對手大門。上周四世盃外「阿凱」雖然無緣上陣，但就有在後備席密切觀察烏茲別克球員的表現，他表示期待與對手一班外流兵過招：「喺場邊睇到對手水平好高，組織同傳球能力都好強，始終佢哋好多球員喺歐洲踢波。」

港隊今次多位後防主力未能隨隊出征，「阿凱」指教練在部署上難免受到影響，但認為自己與球隊對應付強敵已有一定心得：「要將上場嘅經驗帶到落呢場，縮小同烏茲別克嘅差距，用盡所有能力幫助港隊，希望可以逼和佢哋攞到分。」能夠為港隊上陣不是必然，「阿凱」續指想珍惜每次機會：「我諗踢埋呢幾年都差唔多，盡量享受喺港隊嘅日子。」