國足易帥大執 重召艾克森

亞歷山大‧揚科維奇執教期間，歸化兵未受重用，不過艾雲高域就完全相反，35歲嘅艾克森只係啱啱傷愈，已經即刻入選，嚟緊兩戰新加坡亦未知踢唔踢到，艾雲高域表示：「可能艾克森已經冇場場踢足90分鐘嘅體力，但我相信佢只要上陣5分鐘或10分鐘，已經可以為球隊產生極大作用，有佢在陣對中國意義重大。」

除咗艾克森之外，費南多同蔣光太亦都得到徵召。中國依家喺C組1勝1負，周四（21日）會作客新加坡，下周二（26日）返主場再鬥多次。