外流後首獲港隊徵召 孫銘謙︰踢翼踢閘都可以

「孫銘」2月從東方轉投中超的滄州雄獅，首度外流，開季頭兩場皆擔正出擊，他表示中超球隊訓練安排相當仔細，使他需時適應，幸好在球隊出任助教的白鶴相當友善，有助他融入環境：「本身喺香港練完波之後，就要搭車返屋企，但依家操練完之後，係去訓練場隔籬嘅酒店休息，繼續準備練波或者比賽，而且白鶴都好照顧我，有時仲會陪我加操。」

他又指當地球迷非常熱情，表示會繼續努力大打爭氣波，報答球迷支持：「好多球迷都會嚟睇我哋練波，完全感受到大家係幾咁支持球隊，希望我愈踢愈好，令球迷開心啲。」

談到自己有機會在港隊出任左閘或左翼，「孫銘」稱不會計較以甚麼位置登場，一切以球隊行先：「無論教練點安排，我都會搏到盡，努力適應唔同位置，只要幫到港隊攞好成績就可以。」他續道自己在上周六已回港，最開心是能夠再與家人及其愛貓團聚。