昔日東方硬仗連場明加索夫叫隊友咪鬆懈
傑志翼鋒明加索夫是役梅開二度，助球隊擊敗深水埗全取3分兼獲選「全場最佳球員」（ＰＯＭ），繼續咬緊榜首理文不放。他賽後認為「藍鳥」尚有多場硬仗要應付，呼籲隊友切勿掉以輕心，每場賽事都要全力爭取勝利。
由於榜首理文今輪只能賽和東方，痛失2分，傑志昨日獲勝後，追至僅落後「黃黑軍團」兩分兼打少場，甚有機會重登榜首。來到關鍵時刻，明加索夫提醒隊友切忌鬆懈：「嚟緊聯賽仲要對住大埔、東方同冠忠南區，隊隊都唔易哽，稍一不慎隨時失分，所以大家嚟緊每場都要交出最好表現。」
讚深水埗有進步
深水埗季中加入多位新兵後，實力明顯提升，明加索夫亦認同對方與以往截然不同：「佢哋強咗好多，同上季及季初完全唔同，我哋踢得有啲辛苦，好開心球隊贏到，向冠軍邁進。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
