晉峰標準流浪齊望止頹風

今場為晉峰最後一場分組賽，總教練何信賢透露或會收起部分主力，並盡量起用年輕球員為主，盼他們能夠把握機會證明自己：「流浪近況麻麻，但比賽逐場計，希望抵擋到對方強攻。其實『菁英盃』大家實力差唔多，今場我哋放開嚟踢，嘗試拉近距離同爭取贏波。」

U22翼鋒黃政德今季站穩正選，但他指季初受傷後，狀態未完全恢復。「粉紅兵團」已經肯定出局，但「德仔」強調仍會全力爭勝：「就算出咗局都要踢好，一定會盡全力。幾位新球員都幾勁，踢咗幾場之後大家默契慢慢好咗。」

標準流浪上場聯賽不敵深水埗，近3場全敗，當中季中才由中甲回流的杜國榆（Remi），全部有份出戰。他坦言缺少季前集訓，加上自己加盟前對上一次比賽已經是去年11月，狀態仍有待提升，但今場會全力助流浪重返勝軌：「流浪係一支強隊，連續3場輸波對我嚟講唔應該發生。晉峰換咗教練，都急需一場贏波提升士氣，要小心應付。」值得一提，盧兆崎今場因出戰大專盃，與累積5黃停賽的金旻奎、劉智樂齊齊缺陣。

U22門將陳冠燊賽前全部分組賽，悉數正選上陣，惟他對個人表現不太滿意，希望今場繼續成長，兼幫助球隊獲勝：「自己好多犯錯，同埋中堅係日本、南韓人，有時喺補位溝通上會出現問題，希望今場可以攞多啲經驗，應付之後嘅淘汰賽。」