史上最佳慶祝！

阿克林阿費夫今仗光芒四射，當佢射入12碼先開紀錄後，喺波襪內拎出事先收埋有自己嘜頭嘅足球卡，向住鏡頭表演一場近距離魔術，將手上足球卡搖晃幾吓，變成一個「S」字（圖），即獲網民留言激讚「變魔術慶祝真係太癲」、「史上最佳慶祝」等。阿費夫賽後解釋：「S係我老婆個名第1個字母，今日係佢第一次入球場睇波，我想將我所有嘅榮譽獻畀佢。」