昔日東方潘沛軒未諗外流：先做好自己！
香港男子足球代表隊周三晚在第42屆省港盃首回合，以2比0輕取廣東，下半場收穫1球的潘沛軒為其中贏波功臣之一。談到會否打算外流，「潘沛」表示會交由球會及父親決定，自己目前會持續做好自己。
交由球會及父親安排
首度參與省港盃的「潘沛」，表現毫不怯場，換邊後不久更於門前撞入，幫助香港拉開至兩球差距，他賽後受訪時不忘向球迷致謝：「幫港隊入波真係好開心，幾時都係好榮幸嘅事，今次仲要有咁多球迷望住就特別開心，好多謝大家咁支持我哋。」他續指自己今場表現尚算合格，但把握力上仍有改善空間。
「潘沛」於亞洲盃決賽周前的閉門友賽梅開二度，助香港擊敗中國隊，是役面對廣東亦有1球進帳，被問到會否嘗試外流至其他聯賽效力，他強調要繼續裝備自己：「呢點要交番畀球會或者爸爸（潘文俊）決定，我會繼續改善不足，同埋最緊要係做好自己，咁當有機會嚟到先可以把握到。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
