冠忠南區 深水埗演地區打吡

兩軍之前3度碰頭，南區錄2勝1負，主教練楊正光認為彼此「熟晒路」，叫球員記住「足總盃」被對方淘汰的教訓。「光Sir」指深水埗近期演出略見飄忽，惟今場絕不能掉以輕心：「佢哋最近唔太穩定，但正因為咁，可能突然間踢番場爭氣波都唔定，而且我哋喺『足總盃』輸過畀佢哋，唔可以大意。」陣容方面，新兵梁祐維未能趕及註冊，基斯亦累積5面黃牌要停賽。

分組賽仍未「開齋」的深水埗，主教練陳浩然上任後第3次帶隊與南區交手，他認為雙方已非常了解對方，希望球員在比賽中展現訓練成果：「南區有幾位球員要踢港隊，實力會弱咗，但平均人腳依然比我哋好，希望我哋球員做到我嘅戰術要求。」此外球會周四公布與鄧港桁達成解約協議。