on.cc東網直播賽馬會菁英盃B組關鍵戰 均業北區 標準流浪不敗對決

均業北區上場「賽馬會菁英盃」以3比1勇挫理文，終止各項賽事3場不勝頹勢，繼續於小組保持不敗。主教練梁志榮坦言感覺「鬆一口氣」，證明球隊有能力與強隊抗衡。北區賽前踢少一場下落後流浪3分，「細榮」承認要出線不容有失，希望球員不要自滿，繼續保持爭勝決心：「流浪實力一定喺我哋之上，由開季到依家佢哋入咗好多波，幾位前線球員好似『樂仔』（劉智樂）差唔多每場都有波入，球員防守上要更加集中。」

前鋒朱偉鈞上場相隔約3個月後復任正選，他評價自己表現尚可接受，至少做到教練賽前要求。朱偉鈞又提到球隊出線仍有希望，希望年輕球員繼續「畀心機」：「都想入到4強甚至決賽，始終之前踢愉園喺決賽輸咗，希望幫我完成捧盃心願。」

標準流浪上場戲劇性以3比2反勝晉峰，繼續力壓傑志排小組榜首，今場面對出線勁敵之一的北區，總監李輝立（Philip）預計十分難踢：「北區實力係唔錯，對強隊都可以抗衡，但求唔好失分先，始終佢哋仲未對過傑志。」陣容方面，新兵歐陽耀冲及盧美菲亞趕及註冊，今場可以候命，惟首席射手伊巴謙因累積5黃停賽。

年僅19歲的翼鋒梁凱俊連續兩場擔正，惟他指發揮仍有進步空間：「有時自己攞完個波後反應太慢，搞到攻勢斷纜，要多啲現身攞波。」他希望今場對北區可以達到教練要求，並嘗試爭取入球及助攻，幫助球隊全取3分。