難忘扮法比仔 踢無鋒陣失敗收場

自2010年起為港隊征戰多年，「阿智」笑指難忘的賽事有很多，但腦海中卻一直記住自己表現最差的兩場比賽，當中包括2011年的省港盃首回合：「第一次踢省港盃作客廣東，未夠40分鐘已經畀教練換走。當時有啲傷，但嗰陣年輕好想表現自己，冇同教練講，加上緊張令到發揮得唔好。」至於另一場「阿智」印象最深刻的，則為2013年亞洲盃外圍賽主場對阿聯酋：「嗰場金判坤想參考西班牙踢無鋒陣，叫我扮法比加斯企最前，但進攻要返嚟幫波，結果完全做唔到，上半場未踢完就換走我。」