昔日東方兩入籍兵亮相 肥彭：訓練好唔同
早前取得特區護照，即獲補選港隊集訓名單的兩名巴西裔祖連奴及史提芬彭利拿，昨日首次參與港隊操練，「肥彭」則指訓練方式與球會有差別，仍需要時間適應。
祖連奴形容「夢想成真」
祖連奴昨日因傷未有參加分隊賽，僅於場邊緩跑，「肥彭」則不時在比賽中取得入球，莊恩安達臣對兩人趕及在「亞洲盃」前入籍感開心：「對港隊同香港足球都係好事，佢哋兩個好有質素，可以擺個波入網，正正係港隊目前所缺乏。」
祖連奴形容入選港隊是「夢想成真」：「自從嚟到香港之後，依家終於有機會代表香港出賽，我一定會盡全力踢好每場波，為香港寫下歷史新一頁。」至於「肥彭」則稱讚訓練質素理想，指不會感到太疲倦：「港隊訓練方式同南區有啲唔同，我都要時間適應，但唔會太攰，問題不大。」「肥彭」又表示平常心看待成為正選的機會：「我會努力喺操練交足貨，之後嘅嘢就交畀教練決定。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
