首亮相亞冠羅素：好多嘢要學

當回想起在分組賽的奮鬥經歷，羅素顯得十分難忘：「的確亞冠對我嚟講係一項挑戰，可以體驗亞洲球會級別嘅頂級賽事，都係好事嚟。」在港打滾多年，羅素分享亞冠與本地賽事的分別：「亞冠比賽速率好快，壓迫又高強度，同埋對方球員身體質素、技術非常出色，一有失誤就好難修正，希望香港足球水平可以繼續進步。」

羅素暫時5場分組賽悉數為「藍鳥」落場，惟他對發揮未感滿意：「金東進接手後，更着重控球在腳，由後防開始組織攻勢，但自己上場對全北犯錯，畀對手偷到個波射入第二球，我仲有好多嘢需要學習。」羅素坦言傑志今屆分組賽未嘗一勝，難免令人沮喪，不過球隊很多場演出其實並不失禮，今日目標入波兼助球隊全取3分。