救出12碼 陳嘉豪：防守要好啲

理文是役開局氣勢如虹，12分鐘已經領先3球，其後大埔不斷搶攻，但不少射門都未能攻破陳嘉豪十指關，包括上半場救出馬高斯山度士的極刑，助球隊驚濤駭浪下保住勝果。「嘉豪」賽後承認球隊雖「3分已袋」，但有必要改善防守：「救到球12碼都幾關鍵，令球隊嗰陣仲揸住兩球優勢，但都要留意我哋失球數字真係幾高，所以全隊上下要更加集中去守波，唔好咁容易失分。」

儘管今場多次作出撲救，令「黃黑軍團」繼續在聯賽領導群雄，不過「嘉豪」強調個人演出仍有改善空間：「自己今日算踢得OK嘅，但處理龍門球方面可以做好啲，我會繼續努力，盡量減低失球數字，令球隊領先時大家都踢得輕鬆啲。」