旺角場激戰大埔晉峰爭晉級

大埔上場在「賽馬會菁英盃」重返勝軌，今日轉戰「足總盃」，主教練李志堅期望球隊能繼續取得佳績：「如果可以憑『足總盃』冠軍攞到來季亞洲賽資格，對球隊未來發展會係好事之餘，對球員都係一個動力。」「堅Sir」認為球隊表現已非常努力，但門前把握仍有待改善。他透露上場受重傷的卡朗將進行手術，預計要長抖一段時間，好消息是謝家榮及陳肇鈞踢完港隊賽事後已歸隊，可以候命。

晉峰連續兩場在領先下，最終同樣大敗而回，總教練何信賢指場上欠缺老大哥壓陣，球員集中力及心理質素有待改善。「粉紅兵團」早前曾在聯賽不敵大埔，「何Sir」承認兩隊實力有差距，但一場過盃賽會盡力而為：「大埔外援質素高，但盃賽我哋冇壓力，只要球員發揮到最好一面，睇下有冇奇迹。」球隊傷兵情況持續，布雷迪、金相祐等主力仍需缺陣，同時「何Sir」透露下半季將更換外援，希望能加強進攻火力。