泰國拉大隊拜佛求贏國足

泰國隊坐定定聽大師講佛理同祝福，並獲贈送護身符，球員亦有向佛像參拜，後衞班沙話：「世界盃外圍賽係非常重要賽事，我哋向昭坤通猜致敬，祈求龍婆通保佑及鼓舞士氣，佢哋送贈護身符畀我哋，令我哋意志更堅定，獲得保佑，去到比賽一定要把握機會。」

班沙認為運用佛學理念，可以令球員比賽時更加專心、守戒，足球嘅戒律就係唔好拎黃牌或者紅牌，比賽就會順利。雙方近5次對賽，泰國取得2勝3負，包括最近一次喺2019年贏國足1比0，今次碰頭泰國能否再下一城，大家拭目以待。