昔日東方功臣祖連奴：會記住呢日
傑志昨日擊敗強敵理文晉級決賽，自10月初起一直養傷的祖連奴，復出即為球隊建功，他賽後剖白心聲，對之前無法落場為球隊爭勝感失落，慶幸是役成為贏波功臣，更表示「一定會好好記住呢一日」。
養傷期間感覺煎熬
祖連奴10月初主場對獅城水手的「亞冠盃」不幸受傷，其後超過1個月未能為「藍鳥」在正式賽事披甲。他坦言在養傷期間，僅能眼睜睜看着球隊在不同賽事失利，感覺非常煎熬，形容昨日一役對自己意義深遠：「我每日都好想戰鬥，幫球隊贏波，所以養傷嗰段日子真係好難頂，好開心今日出番嚟踢，仲入埋波添，我一定會好好記住呢日發生嘅事！」他讚揚球隊表現理想，絕對值得躋身決賽：「最緊要係大家團結一致，搏到盡。」
「藍鳥」季初於聯賽不敵「黃黑軍團」，是役終於成功復仇，亦一吐近期烏氣，祖連奴相信球隊有能力走出低谷：「老實講之前啲成績確實唔係咁好，不過我覺得贏咗呢場之後，大家嘅信心應該返晒嚟，我哋會繼續努力，為球隊帶來改變。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
