昔日東方新軍人和天鷹僅負東區Cathy灑淚︰輸得好唔抵！
「賽馬會女子足球聯賽（丙組）」上周六（21日）上演第2周賽事，其中丙組聯賽新軍人和天鷹，假跑馬地遊樂場面對東區，結果以0比1不敵對手。
首戰擊敗熱火的人和天鷹，第二場面對上季乙組排名第11的東區，甫開賽便控制大局，惟多次埋門機會都未能轉化成入球。換邊後，上半場受壓的東區憑Elodie Quach打破僵局，射入全場唯一入球。落後下的天鷹急起直追，黎穎怡為球隊博得12碼機會，惜黃子盈操刀宴客，被東區門將勞芷娸「捉到路」撲出。最終，東區守住1比0的比數到尾，聯賽錄得兩連勝。
完場笛響起一刻，人和天鷹中場植詠珊（Cathy）淚灑球場，一度要隊友上前安撫，心情平復後的她解釋：「覺得好唔抵！我哋上半場好多攻勢，但都把握唔到，好唔抵！今場平時夾開嘅防中冇嚟，心情都受到啲影響，好嬲自己點解調整唔到。」
上季才開始接觸足球、效力翱翔的Cathy，今季轉戰人和天鷹後，由上季長坐後備席的邊緣球員，搖身一變成為球隊主力。她說會激動落淚的原因，乃心態有別以往，對足球更加「上心」：「今季嚟到新球隊，頭兩場都係正選，加上防中位置好重要，感覺今季自己係有責任喺身，唔再係冇乜所謂嚟睇隊友表演嘅心態。」
主教練杜秉浚︰落敗非壞事
人和天鷹接收了不少上季效力甲組球隊和富社企的球員，主教練杜秉浚強調作為一支丙組新軍，球員需要付出更多，認為今仗落敗並非壞事：「我哋要一齊建立一啲嘢，一齊花時間練番比賽中要做到嘅嘢，輸波係唔開心，但希望球員都要繼續努力，爭取次循環贏番。」「賽馬會女子足球聯賽（丙組）」第3周賽事，將於周六（28日）上演，當晚9點，人和天鷹會假寶翠公園對戰九龍木球會。圖、文：林卓臻
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
