昔日東方「孫銘」開齋：多謝隊友成全
昨日為東方先開紀錄的孫銘謙（圖），攻入本季第一球，他賽後感激隊友願意「讓出」12碼，令自己得以開齋。
「孫銘」今季第3次為東方上陣就成功開齋，他感激隊友巴科爾博得12碼後，願意讓給自己處理：「雖然教練開波前講過，今場係由我去射12碼，但都好多謝巴科爾親自博番嚟，都肯讓畀我射。」
承擔更多責任
「孫銘」表示今季球隊更為年輕，自己亦改穿10號球衣，希望能承擔更多責任：「今季我對自己嘅要求高咗，希望幫多啲球隊，同班年輕球隊一齊成長，好似『宇曦』（即吳宇曦）後備出嚟，踢落都好搶鏡，有力創造機會甚至入波。」
孫銘謙上季成為史上單季入球最多的華人神射手，對此他坦言未有壓力去追趕上季的入球紀錄：「呢個都係今季目標，不過我唔會畀自己太大壓力，只要盡力踢好每場波，順其自然就得。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
