昔日東方惡鬥不丹後返港胡晉銘︰高原作賽非藉口
香港男子足球代表隊在世盃外圍賽第一圈次回合，作客兩球不敵不丹，但總比數仍以4比2晉級。大軍昨晨飛返本港，當中兩名中場胡晉銘、陳肇鈞同樣認為不能以高原作賽為輸波藉口，承認球隊表現的確不及對手。
除效力德丙球會恩高斯達特的前鋒米高、中超梅州客家後衞茹子楠，其餘港隊職球員昨日早上悉數經曼谷轉機後返港，現場亦有數名球迷接機。作客不丹一戰中有份後備入替的胡晉銘，表示高原作賽或多或少影響球員發揮：「其實冇想像中咁困難，只係打個比喻，香港可能跑5段先有少少缺氧，但喺不丹可能衝一段已經有呢個感覺，除咗身體上唔慣，比賽用波、球場都對我哋有啲不利。」然而「晉銘」認為不能將上述因素當作落敗藉口：「賽果係唔理想，都無藉口。今場佢哋左、右閘基本上段段有，我哋發揮比人哋差，輸波都要接受。」
至於踢足全場的陳肇鈞（Philip），則指高原氣候對自己影響不大，又承認球隊表現的確不理想：「心態上冇放鬆，一開始有好多機會入唔到波，但輸咗一球就冇咗個氣勢。」Philip同時希望隊友可以收拾心情，以及檢討不足，讓球迷可對港隊重拾信心。
次圈首戰11.16作客伊朗
同日賽會亦公布世盃外第二圈賽程，港隊最快會在下月16日出戰首場賽事，作客挑戰過去3屆世盃都打入決賽周的伊朗，至於首戰主場賽事，會於下月21日假香港大球場上演，對手為土庫曼，足總表示有關外圍賽第二圈的賽事售票詳情將於稍後公布。圖、文：李浚湣
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
