昔日東方「強仔」再成功臣：想入番香港隊
昨日為大埔射入反勝一球的鍾偉強，賽後表示為兩名隊友謝家榮及亞歷斯祖，助港隊歷史性打入亞運4強感到驕傲，希望自己能持續交出好表現，再次成為港隊一分子。
鍾偉強去季回歸大埔後，全季僅攻入1球，不過連同昨仗，他今季已取得兩個「士哥」。「強仔」坦言去季表現不理想，盼今季有所改善：「上季入得1球絕對唔達標，今季暫時入咗兩球，希望之後陸續有嚟，大埔今季實力好咗，大家分工清晰，踢落都舒服啲。」
為隊友謝家榮亞歷斯祖驕傲
鍾偉強2018年在「2019東亞錦外圍賽」第2圈，為港隊建功擊敗中華台北，其兩位隊友謝家榮及亞歷斯祖，早前代表港隊歷史性以第4名完成亞運，「強仔」坦言為兩人感驕傲：「前幾年因為疫情，香港足球好似死寂一片，依家港隊成績咁好，又令球圈有番生氣。」談到會否希望再入選港隊，「強仔」認為現時先要做好自己：「順其自然先喇，如果踢得好，希望再有機會踢港隊。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
