on.cc東網直播：香港U23殘陣頑抗傑志

香港Ｕ23本季首度於主場斧山道運動場出擊，主教練司徒文俊認為球場較窄，有利球隊防守，但指即使對方開季演出有起伏，實力依然強大，強調球隊只能「盡做」：「佢哋有咁多入籍兵同外援，身體條件一定比我哋好，就算大家搏哂命去踢，都唔一定守到，只可以盡力做好啲，睇吓可唔可以偷雞。」陣容方面，「司徒Sir」透露除了曾以行、鄭進泓及劉家喬3位亞運兵未及歸隊，雲天樂和宋絃毅皆因傷倦勤。

對於球隊陣容欠完整，鄧筵霑稱整體發揮難免受到影響，但他和隊友都會奮戰到底，會花更多力氣做好防務：「就好似之前對理文，我哋上半場守得唔錯，所以呢場都係做好防守先，再諗點打反擊。」

至於傑志剛在「亞冠盃」分組賽，以1比2僅負獅城水手，隊長艾里奧指賽果令人沮喪，承認球隊上半場發揮欠佳，又主動向球迷道歉，希望今仗聯賽鬥香港Ｕ23，可以及時反彈：「季初好困難，球隊已經輸咗幾場，但我哋都要繼續前進，之後每場比賽都好重要，我哋目標要贏晒每一場！」陣容方面，伊高沙托尼仍在養傷，而上仗大腿受傷，提早退下火線的祖連奴，同樣上陣成疑。

明加索夫則表示球隊在亞冠已傾盡全力，又為自己在尾段錯失入球機會自責，但他強調大家現已收拾心情，為聯賽準備就緒：「傑志陣中有好多出色球員，可以進行輪換，體能冇咩問題。香港Ｕ23今季實力比上季進步，一定唔可以輕敵，同埋我哋喺聯賽再冇失分空間，希望今場可以大勝，重拾信心。」