昔日東方謝家榮︰要攞銅牌返香港
港隊男足4強以0比4不敵日本，要轉戰今晚的銅牌戰，今屆賽事表現出色的門將謝家榮，指全隊信心未受該仗大敗影響，強調今仗目標十分清晰：「就係要攞銅牌返香港！」
「大家仲係好團結」
門將謝家榮認為「港日戰」球隊表現不差：「日本畀咗我哋後防好大壓力，把握力、戰術執行力都好強，但上半場我哋嘅高位壓迫成效唔錯。只不過短時間踢咗咁多場高強度比賽，攰同集中力下降係事實，加上輪換程度未必好似其他球隊，又有球員停賽，所以之後開始吃力。」
港隊雖然未能殺入決賽，但「家榮」指球隊信心未受影響：「大家仲係好團結，目標好清晰，就係攞銅牌返香港！」連同兩場分組賽，港隊將在今屆亞運「三鬥」烏茲別克，「家榮」提醒隊友要減少失誤：「烏茲別克實力係強，不過最緊要係唔好因為自己嘅大意失誤，導致失波，如果半場維持到0比0，或者領先嘅話，贏面都會大啲。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
