on.cc東網直播旺角夜搶分 冠忠南區強襲晉峰

南區剛於上周六「高級組銀牌」反勝香港U23，隨即於今晚出戰對晉峰的聯賽，主教練楊正光認為體力會有一定影響：「見佢哋練波嗰陣，會有啲攰或者肌肉痛，不過大家精神面貌都幾唔錯，整體狀態應該唔會太差嘅。」「光Sir」又形容晉峰防線緊密，能踢出快速反擊，有多加留意的必要。

上場「開齋」的鞠盈智稱南區實力較晉峰優勝，因此必定以3分為目標：「今場目標一定係贏波！始終我哋係強啲，而且佢哋有唔少主力走咗，實力唔及上季，如果咁情況下失分就好唔抵喇。」

晉峰上場在「賽馬會菁英盃」以2比6大敗予傑志，總教練何信賢指不滿意球員怯場，直言部分失球可以避免，今仗面對另一勁旅南區，期望球員能重拾自信，並以1分為目標：「對手今季換咗教練，用波多咗，中後場更加硬淨，但佢哋季初未算太弗。無錯我哋同南區實力係有距離，今場會縮後啲踢，但球員至少要有贏波嘅幻想，落到場展示出鬥志。」陣容方面，除了金相佑繼續缺陣，另一中堅曾仲楠亦成為「十字軍」，而袁世傑則因隨5人港隊出外集訓，今仗未能披甲。