傑志國腳級新援 奧拿斯：難忘同美斯世盃交鋒！

現年30歲的奧拿斯，2011年前往拉素青年軍學法，之後升上一隊在意甲效力5季，2016年離開意大利後，輾轉到土耳其、丹麥、立陶宛、沙特阿拉伯及巴林等多個地方打滾，今次來到香港加盟傑志，他坦言未算太難適應：「我喺唔同國家、洲份踢過波。冇錯香港係好熱，但温度同沙特阿拉伯、巴林差唔多，希望可以喺呢度有一個好經歷，目標一定放喺亞冠。」奧拿斯提到來港前，對「藍鳥」亦有一定認識：「我知道曾經有唔少名氣球員效力傑志，包括科蘭同施素高。同埋傑志係香港最強球隊，上年贏咗聯賽冠軍，亞冠盃表現都唔錯。」

奧拿斯年少時在拉素嶄露頭角，曾為這支意甲勁旅上陣逾100場，他指「藍鷹」屬於自己成名地，很多戰術意識及個人技術亦在當地建立，目前仍然與巴西翼鋒菲臘比安達臣、塞爾維亞中場米連高域沙域等舊球友保持聯絡，他又忍不住分享效力拉素時數個難忘時刻：「其中一場必屬2012/13年『意大利盃』決賽，我哋擊敗同市宿敵羅馬奪冠，呢場波十分意義重大。另外，喺2014/15球季嘅煞科戰，當時作客對拿玻里，我喺尾段射入關鍵球，最終幫助球隊力壓對手，攞到歐聯席位。」傑志陣中擁有不少年輕球員，奧拿斯指部分具備潛質，要外流歐洲並非完全沒有可能，但需要更加虛心學習，以及吸收更多比賽經驗。

除此之外，奧拿斯更曾代表尼日利亞出戰2014巴西及2018俄羅斯世盃，他表示這並非所有優秀球員都能參與其中，絕對屬於其生涯最寶貴回憶之一：「2014年分組賽面對阿根廷，可以同美斯、希古恩、迪馬利亞等球星交手，絕對係榮幸，嗰年仲可以成功出線，去到16強先輸畀法國出局，仲可以要求啲乜？」然而「超霸鷹」卻未能躋身上屆世盃決賽周，奧拿斯認為球隊目前出現青黃不接問題，透露自己曾與教練商量，或有機會再次重返國家隊。

身為尼日利亞老大哥之一，他又看好24歲拿玻里射手域陀奧森漢能成大器：「佢係我朋友，又屬於球壇上其中一位最受矚目新星，今季喺意甲首仗已經梅開二度，佢埋門能力好強，又充滿鬥心，每場比賽都會搏到盡。」文：李浚湣