港隊大捷安帥：打咗支強心針

港隊是役上半場已領先3球，下半場未有收手，最終大勝10球完場。「安帥」認為球員信心必大增，可以更佳狀態應付不丹：「我哋已經好耐冇試過單場入咁多球，加上下個月要對不丹，所以今個國際賽期搵柬埔寨同汶萊『拍跳』，就係想令大家練好進攻。」

港隊新入籍兵米高於比賽中錯失幾個機會，未能在「地標戰」取得入球，「安帥」強調要給予耐性讓其成長，並稱讚這位前鋒已經為港隊帶來正面影響：「米高除咗跑得快，仲可以喺前面Hold到波，可能佢第一次喺咁多球迷面前代表港隊上陣，表現有啲緊張，搞到幾個機會都入唔到，不過我相信佢之後必定有改善。」鄧文滔報道