港台電視32 × on.cc東網 同步直播：晉峰香港U23奮力搶分

晉峰上仗面對勁旅理文僅負1比3，總教練何信賢指「起碼無大敗」，相信能令球員增強自信心，面對兩戰全敗的香港U23，「何Sir」謂目標當然是全取3分：「今場唔會咁保守，盡量主動搶攻，前鋒會多啲起腳，但希望球員唔好咁大壓力同緊張，始終默契仲磨合緊。見到對方今季好畀心機用波，預計中場爭奪會成為勝負關鍵。」不過壞消息是南韓籍後衞金相佑很大機會因傷缺陣。

新加盟的林樂賢頭兩仗皆以正選上陣，他認為自身表現合格，今仗面對前度球會，笑言感覺特別：「喺香港U23兩年，都有好多美好回憶，佢哋係一支好有體系嘅球隊。」另外，在颱風襲港後，「啫喱」謂場地質素受影響難免，在控傳上務必更加小心。

香港U23開季頭兩場分別不敵東方和冠忠南區，主教練司徒文俊坦承今場對晉峰，屬較有搶分希望的賽事，透露球隊今場會嘗試採取主動：「同前兩場相比，今場取態會更加主動，會針對進攻作部署，唔希望太被動。」「司徒Sir」又指，雖然對方有主力離隊，但實力未有太大影響：「雖然有啲人離開，對晉峰嚟講係損失，但頭兩場表現一啲都唔差。」