on.cc東網直播 晉峰活力掛帥主場頑抗理文

晉峰上仗於尾段被均業北區逼和失分，總教練何信賢指球員仍要時間適應新教練的戰術。即使理文剛經歷舟車勞頓，但預計己隊仍屬受壓一方：「理文踢咗兩場高強度賽事，狀態肯定唔曳，我哋預咗要密集防守應付。」「何Sir」坦言不會強求有分落袋，希望年輕球員能從中學習，展示訓練成果。

翼鋒袁世傑上仗搶截成功後策動攻勢炮製入球，今仗面對「5日兩戰」的理文，深信球隊有力製造驚喜：「我哋最大嘅優勢係有活力，對手啱啱先踢完場硬仗，體能消耗唔少，只要我哋積極走動，進攻上或能製造更大威脅。」

理文周中作客不敵浦和紅鑽，未能躋身「亞冠盃」分組賽。大軍返港後匆匆兩日就要踢首場聯賽，主教練曾昭達承認體能或成隱憂，已安排球隊做好恢復：「今季我哋會再次挑戰聯賽冠軍，全隊上下向呢個目標進發。」保連奴及杜度等新兵於「亞冠盃」未有披甲，「達Sir」表示會視乎操練情況，臨場再決定正選陣容。

加入理文後表現大獲好評的保利臣，希望延續好表現：「我唔止想入波，仲想做好中場嘅責任，幫球隊控制到節奏。」這位荷蘭中場表示仍需時間了解各港超對手：「希望能夠收拾心情，盡快適應聯賽嘅節奏，我哋今季有好多目標，最重要係挑戰傑志嘅聯賽冠軍寶座。」