首戰亞冠胡晉銘興奮多過緊張

「晉銘」過往曾隨代表隊出戰過「亞洲盃」外圍賽及亞運等國際賽事，去年亦曾代表舊東家東方出戰「亞協盃」，今季「晉銘」有機會「升呢」，他亦難掩興奮：「細細個已經有留意『亞冠盃』，可以參與埋一份係好期待，心情興奮多過緊張。」

新季轉投理文，「晉銘」表現被寄予厚望，他指出現時「黃黑軍團」的傳控打法，與以往所效力球隊的踢法有分別，但相信適應上問題不大：「以往踢嘅球隊可能更多踢防守反擊，今年嚟到呢度，要開始適應去控制戰局，不過同好多隊友細細個已經開始一齊踢，好快就上手。」為備戰今場賽事，理文早前也去到南韓集訓，「晉銘」就指出有特別加操催谷體能，以適應近期較炎熱的天氣。

能夠在香港大球場出戰亞洲頂級球會賽，「晉銘」認為更加別具意義，他又謂對今戰信心滿滿：「我對球隊好有信心，尤其我哋有主場優勢，呢一場非勝不可，唔可以辜負球隊上下過去一兩個月嘅努力。」