傑志拍跳鬥泰乙猜納犀鳥

繼2比3僅負武里南之後，傑志上場再以同樣比數不敵另一支泰甲勁旅曼谷聯，總監兼主教練朱志光認為球隊經過兩場友賽後，比賽狀態明顯有提升，但指出球員集中力仍有待提高。除了傑志中場米基爾連續兩場有斬獲之外，新加盟的祖連奴早前面對武里南亦有波入，能夠在地標戰就取得入球，這位森巴前鋒也表示非常開心。

祖連奴續指非常享受傑志的高強度踢法，但承認仍需時間適應：「我哋仲喺季前備戰階段，狀態未必十足，但我好努力咁適應緊球隊嘅高強度踢法，相信我哋仲有時間去進步，專注喺泰國嘅備戰，爭取喺嚟緊嘅比賽取得佳績。」除了新踢法，祖連奴還需要與新隊友磨合，但他認為問題不大。