足總新屆董事會會議「進一步推動足球發展」

足總上月底舉行董事會換屆選舉，相隔約1個月後，終於進行首次董事會會議，新任足總主席霍啟山及會長貝鈞奇，連同多名董事會成員黃良柏、朱浩賢、徐英偉、莫慕潔等亦有出席，整個會議過程約3個多小時。會後「霍生」指：「新一屆第一次開會要選兩位副主席，首先黃良柏會繼續連任，第2位就係徐英偉。」

除此之外，「霍生」透露會成立多個工作小組，並由董事局成員擔任主席：「每個董事都有唔同背景同經驗，好似黃良柏會擔任港超聯召集人，同埋負責財務策劃，而徐英偉就會帶領市場推廣小組。至於女董事莫慕潔會負責女子足球，希望可以多啲溝通，同埋吸納唔同持份者建議，提升工作效率，進一步推動香港足球發展。」圖／文：李浚湣