標準流浪 理文8月出戰亞冠外

理文及標準流浪兩支港超代表，雙雙取得「亞冠盃」外圍賽資格。據AFC官網顯示，其中標準流浪將於8月15日與海防FC碰頭，若成功晉級就會對上南韓代表仁川聯。至於去季港超亞軍理文，晉級路途同樣絕不輕鬆，第1關8月16日與峇里聯對決，贏波便要於附加賽面對上屆「亞冠盃」盟主浦和紅鑽。

流浪中場主力林嘉緯指越南足球水平近年急速上升，技術出色，但認為球隊仍有取勝機會：「佢哋技術應該會好啲，但防守方面應該冇進攻咁好，所以如果我哋準備充足，到時防守做好啲，係有力同對方鍊過。」至於理文中場黃威表示，即使球隊成功擊敗峇里聯，下一圈仍要與浦和紅鑽交手，坦言對晉級分組賽感到悲觀，現時會等待主教練曾昭達作部署。