U22再鬥塔吉克司徒Sir︰做好防守

港隊U22早前面對實力較強的塔吉克斯坦，雖然先落後1球，但憑後備入替的馬斐，在補時階段接應劉家喬傳中近門射入，最終與對手和氣收場，主教練司徒文俊歸功於球員的努力，又表示今場會繼續先做好防守：「上場雖然對手埋門比較多，但都係遠射為主，明顯嘅機會唔算太多；無錯有啲嘢係做得好，包括3線緊密程度，但我哋太易畀人喺邊路進攻，同入到禁區，呢啲嘢係要盡快調整。」5日內兩鬥塔吉克斯坦，「司徒Sir」指在友賽沒有換人次數限制下，上場得少部分球員踢足，故不太擔心球員的體能狀況。

陣容方面，「司徒Sir」透露今場或有小量輪換，當中陳潤潼很大機會擔正，而劉君正、馬斐的康復情況亦十分理想，同樣可以候命。