屢獻神救謝家榮地標戰仍留憾

這位上季效力和富大埔的23歲門將，比賽中屢次阻擋越南來犯，後段因傷由葉鴻輝入替。「家榮」透露自己只是抽筋並無大礙，但對未能踢足感遺憾：「表現合格以上，10分滿分都會畀7至8分，同始終係休季期，體能上有啲跟唔上。」

「家榮」前年代表港隊U23赴日本比賽，因紀律問題被代表隊禁賽一年，如今獲得主帥莊恩安達臣重用，更取得首頂喼帽，終可落場一展身手，他表示感觸良多：「知道只要繼續保持良好紀律，兼喺聯賽有好表現，機會就會再嚟，上次3月有份入決選，雖然冇出場，但已經好開心，當係重新出發，今次『地標戰』意義更大。」

安帥賽後也對「家榮」讚不絕口：「今日有機會畀佢上陣，佢嘅表現令我非常滿意。」