陳肇鈞期待加盟爭標球隊

3位代表隊成員昨日於訓練結束後，聯同一班由足總招募的義工來到樂餉社，為收集好的食物進行分類及包裝工作，3人活動尾聲不忘與義工玩問答遊戲，並派發紀念品。有份出席的陳肇鈞（Philip）認為活動別具意義：「食物銀行原來對社會好有作用，希望日後有更多合作。作為港隊球員，除咗球場上之外，都希望場外可以對社會做到貢獻。」

過去一季效力晉峰的陳肇鈞，透露與球會已經完約，對於來季打算，這位港隊中場表示 ：「下季想挑戰到錦標，呢個對我生涯係最重要，希望踢嘅球隊會係爭標分子。」Philip續指來季不會考慮外流：「我都過咗外流嘅年紀，見到今年香港球市好好多，我認為自己應該留番喺度。」他表示會在完成本月港隊賽事之後，才落實去向。

至於外流日本JFL球隊滋賀湖王的港隊Ｕ22球員梁祐維，就透露現時仍在等待當局審批工作簽證，惟他提到過去多月隨球隊跟操，收穫良多：「呢3至4個月嘅進步，比起我喺葡萄牙同泰國都更加大。」港隊Ｕ22今日將於將軍澳足球訓練中心與大港腳拍跳，「一仔」期待能在港隊主教練莊恩安達臣面前證明實力，爭取日後成為大港腳。林卓臻報道