黃耀富帶4港將赴泰試腳

「富仔」曾在不同場合表示過，希望協助香港五人足球的球員，達成外流落班的夢想。「喺好多熱心嘅朋友，包括有來自政界、醫療界同球圈嘅人士幫助下，喺今年設立咗一個獎學金計劃，目的係可以幫到一啲想去海外落班、挑戰更高層次嘅年輕球員，爭取機會。好似今次咁，佢哋4個喺一隊叫Imane嘅甲組五人隊跟操3個月，期間食同住都幫佢哋安排好晒，佢哋只要畀心機練波、表現自己，爭取球隊畀合約佢哋就得喇！」「富仔」表示。

第一批4位球員已於上周五（5日）全部飛抵泰國，4人分別是陳樂謙、施俊軒、李浩然和陳子淳，前3位同為五人隊大港腳，而後者則是香港U17成員。4人已於周一開始，正式隨Imane操練，為夢想而戰。「富仔」謂：「老土啲講，個頭幫你開咗，點埋尾就要睇番你自己喇。當然，我都好想佢哋成功，只要有咗成功個案，之後嘅路就會好行好多，大家一齊努力啦！」

（圖片由受訪者提供）