欣賞港超踢法相對現代化

沈云燮2012年在大學畢業後，便展開其「足球浪人」的生涯，曾於緬甸、越南、柬埔寨、馬來西亞及阿美尼亞多地打滾，他直言要在南韓最高級別的K1聯賽立足十分困難，因此外流成為當時唯一出路：「我大學表現唔錯，但受傷抖咗接近半年，之後就搵唔到K1球隊落班。嗰陣好唔甘心，好想繼續去證明自己，留喺南韓我就要服兵役，所以選擇去緬甸，記得當時好期待但係好驚，因為我完全唔認識當地足球。」