拚盡所有！盧比度為球員驕傲

東方今場一度領先，惟最終仍要4強止步，Chino慨嘆「這就是球賽一部分」，但他未感太大失望：「大家就算對住傑志呢啲咁犀利嘅球隊都踢得好好，冇太多可以挑剔嘅地方，我對球員今日發揮感到驕傲。」

Chino曾經形容今季將會面對不少困難，最終東方本季成功打入「高級組銀牌」決賽，以及「足總盃」和「賽馬會菁英盃」4強，Chino直言結果令人驚喜，但他拒絕邀功，指球員表現出色，配得上擁有現階段的成績：「全賴球員付出好多努力，我哋先有咁好嘅成績，大家用表現證明畀人睇，我哋值得殺入盃賽4強甚至決賽，呢啲成績係大家每日訓練嘅成果。」