主席林奕權講組軍

林奕權表示：「今年係幾滿意，但我覺得可以做得更好，畀多啲機會球員去發揮。」對於主教練李恆滙等相繼離隊，教練團無可避免出現變化，林奕權坦言曾有憂慮：「新教練嚟到，可能會帶入新球員，又要磨合過，現有教練更了解球隊，或者更適合。」他表示仍未決定誰人接掌帥印，但透露曾接觸有過港超執教經驗的教練，惟認為理念與球會未必切合。

林奕權指來季班費維持在700萬左右：「希望資源運用得好啲。」他透露已開始與球員傾新約，惟未肯定陣內外援會否留隊：「佢哋留就留，唔留就睇本地有冇好嘅球員。」球季接近尾聲，林奕權對球隊表現作總結：「初頭係差少少，可能未夾熟，同埋啱啱上番港超，下半季真係好咗好多，有信心下季表現會更好。」

圖、文：林卓臻