新面孔艾華：上陣１分鐘都會搏盡

艾華透露昨日才得到特區護照，隨即獲得徵召，並出席操練。這位翼鋒過去曾轉戰港甲，到今季投效冠忠南區，他向身邊一直支持自己踢港隊的人致謝，坦言即使自己成功回歸港超，但都只對入選港隊保持平常心：「我本身只期望可以成為本地球員，因為喺一個地方生活超過7年，都唔係容易嘅事，所以開季嗰陣只係諗要保持狀態，踢好每場波，睇吓港隊教練會唔會揀我。」

這位港隊「新面孔」謂會努力融入球隊，並珍惜上場時間，為港隊付出所有：「就算只係得1分鐘嘅時間上陣，我都會搏到盡。」他續稱希望為球隊出戰來年的「亞洲盃」決賽周，揚言會努力爭取代表隊席位。