和富大埔藉地利挑戰傑志

對手傑志今季「賽馬會菁英盃」曾兩度不敵標準流浪，季初亦曾負予理文，和富大埔主教練李恆滙就認為流浪及理文的表現，同樣值得「綠戰士」學習，希望可以繼上場對港會後再次搶分，以改善聯賽排名。「藍鳥」在冬季轉會窗引入不少新兵，其中「滙Sir」就特別提到今場有望倒戈的伊高沙托尼：「『伊高』除咗速度同頻率高，埋門同傳中嘅技巧都好強，要防住佢肯定有難度，惟有盡做。」不過王力威仍有傷在身，與另一傷兵鍾偉強今場上陣成疑。

剛剛度過34歲生日的利馬，笑言過往每次面對傑志，自己經常能夠交出上佳表現，希望今場能再帶領球隊搶分，為自己送上遲來的生日禮物，又鼓勵隊友踢出大埔自身風格：「傑志係鍾意控球在腳，但我哋都要堅持繼續放膽用波，同埋保持集中力，然後再靠死球戰術發圍。」

傑志剛於「賽馬會菁英盃」不敵標準流浪，但總監兼主教練朱志光表示在「一周雙賽」下，於盃賽作出輪換，返到聯賽將全力出擊，他又提醒球員今場作客大埔場，需要打醒十二分精神：「始終個場較細同窄，同埋草地質素都唔太理想，都預咗會影響地面組織，嚟到國際賽前最後一場比賽，希望個個集中啲，目標一定係3分。」值得一提，金信煜或因體力問題避戰，而米基爾則能夠刑滿復出。

上場為後衞羅梓駿第100次為傑志披甲，他坦言對自己屬於一個肯定，接下來目標希望能像「黃洋大哥」一樣「長踢長有」。「藍鳥」首循環曾以4球大勝而回，但「羅梓」相信今場絕不易應付：「大埔陣容加強咗，表現的確進步唔少；同埋上場輸波都係一個好好嘅提醒，話畀我哋知去到季尾，所有球隊對傑志都有晒準備。」